08-15-2009, 09:59 AM | رقم المشاركة : 1 |
ساعدوني في مشكلتي ...
بسم الله الرحمن الرحيم اللهم صلي على محمد وآله وعجل فرجهم هذه اول مشاركه لي في المنتدى وابغى مشورتكم اشتركت في المنتدى لاعرض مشكلتي بنصيحه من صديقتي مواليه ابغى من كل يقرا الموضوع يرد ويعطيني حل تقدم لخطبتي شاب يكبرني ب4 سنوات انا عمري 21 الشاب موظف وراتبه حلو بس اللي مخليني اتردد ومااوافق لون بشرته اسمر غامق شعره مو ناعم وحامل السكلسل انا حنطاويه فاتحه وحامله السكلسل والمشكله ان ابوي اسمر واهل ابوي واهل المتقدم لي كلهم سمر انا افكر في عيالي وش بيكون حالهم في الشكل ( لون بشرتهم ) والمرض بيكون في عيالي مصابين بالسكلسل انا عارفه ... ( اذا جائكم من ترضون دينه فزوجوه ) المشكله الحين في زمنا مو بس الدين حتى الجمال امر مطلوووووووب ان الله جميل يحب الجمال هل اذا رفضت الشاب لانه مو جميل فيها عيب؟؟ او اني ماراح اتزوج لاني رفضته بسبب الجمال ؟؟ والمرض سبب مهم لرفضه !!! مااتخيل اجيب اطفال مصابين انا اللي بتعذب معاهم بالمستشفى تســـــــــاؤلات محتاجه الى اجابه منكم لاني استشرت اكثر من صديقه واهلي والكل يقول لي اوافق بدون تفكير لان الزواج صعب في هالزمن وانا رفضت الشاب ورجع تقدم لي مره ثانيه وهذي ثالث مره محتــــــــــــــــــاجه أرآئكم لاتردوني احس اني في دوامه بين الموافقه والرفض بالاخير شاكره لكم طولة بالكم علي اللهم صلي على محمد وآله وعجل فرجهم |
|
|
08-15-2009, 10:28 AM | رقم المشاركة : 2 |
رد: ساعدوني في مشكلتي ...
أما إذا بترفضينه علشان لون بشرته فهذا أمر غير مقنع . تح ـــيآتي |
|
|
08-15-2009, 01:16 PM | رقم المشاركة : 3 |
رد: ساعدوني في مشكلتي ...
|
|
|
08-15-2009, 01:47 PM | رقم المشاركة : 4 |
رد: ساعدوني في مشكلتي ...
مو مهم الجمال , الجمال شي زائل ..اهم شي الرووح .. بالنسبة للمرض انتي حاملة و هو حامل راح تجيبين ابناء مصابين فمن حقش الرفض .. اسمحي لي ع المداخلة المتواضعة و الاسلوب الركيك .. تحياتي |
|
|
08-15-2009, 02:08 PM | رقم المشاركة : 5 |
رد: ساعدوني في مشكلتي ...
|
|
|
08-15-2009, 02:37 PM | رقم المشاركة : 6 |
رد: ساعدوني في مشكلتي ...
صحيح استخيري في ذلك و بصراحة ما انصحج تاخذينه حرام شنو ذنب عيالج و مو بس اهم حتى انتي راح تتعذبين وياهم و بالنهاية الراي يرجعلج مع تحياتي ،،، |
|
|
08-15-2009, 10:08 PM | رقم المشاركة : 7 |
رد: ساعدوني في مشكلتي ...
برايي عن امر البشر مو مهم لان ابيض واسود "زي العباد"المهم الاخلاق وعن المرض .. اخوي في السكسل والحمد الله عندي بنت ومحافطه على صحته ولا يكل فول ولا فصوليا ومادري شي بعد بالتوفيق |
|
|
08-15-2009, 10:27 PM | رقم المشاركة : 8 |
رد: ساعدوني في مشكلتي ...
اتمنى لك حياه سعيده ماادري شنو اقول لان الاخوان كفو ووفو بس اللي ابي اقوله انك تستخيرين الله وانشاء الله اذا لك نصيب فيه يتاخذينه اختك احزان الماضي |
|
|
08-16-2009, 12:37 AM | رقم المشاركة : 9 |
|
رد: ساعدوني في مشكلتي ...
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعدائهم الله يكتب الي فيه الخير موفقة أخيتي |
|
08-16-2009, 07:39 PM | رقم المشاركة : 10 |
رد: ساعدوني في مشكلتي ...
يا كثر الناس الا اعرفهم الزوجة بيضة ورجلها ابيض وعيالهم كلهم سمران بقوة والعكس ! يعني هالاشياء مو بيدش انتِ ! الله الا يشكلنا ويلونّا .. بس بسالفة المرض فالافضل ترفضين خصوصاً الامراض الوراثية تطلع على العيال بشكل كبير الله يعوضش بشخص أحسن منّه |
|
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|